شنو ممكن نسوي في جهاز قراءة البطائق مع الميداليات او البطائق الخاصة به ؟ او سؤال ثاني شلون نقدر نوظفهم في الحصة ؟
بنحتاج الى جهاز القراءة ، ميداليات ملونة بحسب عدد المجموعات ، لو عندي 5 مجموعات بحتاج 5 الوان و كل مجموعة لها 3 او 4 من نفس اللون. مثل ما هو موجود في الصورة.
ملاحظة : كل ميدالية لها رقم خاص لا يتكرر يمكن لـ card reader قراءته و عرضه على الشاشة حسب البرنامج المفتوح ( مثلا Notepad ‘ excel … الخ)
و راح نحتاج card holder ( مو شرط نستخدم card holder استخدمتها لتسهيل العمل )
الفكرة ، لكل مجموعة سؤال من الدرس مع 3 او 4 خيارات اجابة للسؤال وحدة منهم فقط هي الصحيحة. السؤال كتبته في ورقة عادية ، و الخيارات حطيتهم في card holder ، لاحظو الصورة .
اطبق الخطوة نفسها لكل مجموعة.
استخدمت برنامج الاكسل حددت رقم البطاقة ذات الاجابة الصحيحة لكل مجموعة ، , و استخدمت conditional Formatting بحيث يغير لون خلفية الخلية اذا كان صحيح يتحول الى اخضر اذا خاطيء الى احمر.
لاحظو الفيديو
من وين نحصل الجهاز و البطائق ؟ اعتقد في محلات متخصصة تبيعهم ، و الي حاب ممكن نوفرهم لهم.