فكرة اليوم موجودة في النت ، طبقتنا حق نستخدمها في يوم العيد و ممكن نطبقها في اي وقت و حتى في حصصنا الاونلاين بس بتغيير بسيط فيها.
- بنحتاج الى خارطة
- بطاقات فيها اسئلة
- بطاقات فيها اجوبة
- لوحات التشفير ( اوحات التشفير مع طريقة الاستخدام من هنا )
الخارطة مع بطاقات الاجوبة راح نعطيها حق اللاعبين ، من الخارطة راح يستدلون على موقع بطاقات الاسئلة
دورت في النت على خارطة فاضية و حطيت فيها صور حق الاماكن الي ابغيهم يبحثون فيها عن بطاقات الاسئلة
لما يلقون السؤال عليهم يختارون اجابته من بطاقات الاجوبة الي عندهم
هذا شكل الخارطة و لما طبعتها حطيت عليها خطوط حمرة
لاحظو بطاقة الاجوبة في طرفها رقم ، الي مو حاطين في بالهم يستخدمون الكمبيوتر يقدرون يطبقون فقط الي فوق ليما اللاعبين يلقون كل الاسئلة مع اجوبتها.
لكن الي حابين يستخدمون الكمبيوتر يتابعون معاي ، سويت ملف اكسل فيه مربعات مخصصة لكتابة رقم بطاقة الاجابة
شرح لطريقة استخدام ملف الاكسل:
لطباعة الخارطة فاضية من هنا emptymap
لطباعة الخارطة بحسب الصور الي استخدمتها من هنا map
لطباعة بطاقات الاسئلة و الاجوبة الي استخدمتها من هنا بطاقات الاجوبة و الاسئلة
الي حابة تحط الاسئلة و الاجوبة الخاصة بها تستخدم هذا الملف قالب الاسئلة و الاجوبة
لتحميل ملف الاكسل من هنا لوحة الاجابات1