فكرة لاستخدام الأقماع المرورية في الصف

ممكن نستخدم الاقماع في التدريس بأكثر من طريقة ، وحدة منهم نذكرها :

من فترة شفت قمع و عليه عبارات تحفيزية للطلاب مثل هذا :

ففكرت اسوي مثلهم بس بعبارات عربية ، و ممكن وقت الدرس الطالبة \ المجموعة الي تنجز ، نحط القمع على طاولتها ، و ممكن المجموعة الي تحصل اكبر عدد من الأقماع تكون هي الفائزة.

شلون طبقتها ؟

اشتريت قمع من محل الانوار ب 350فلس ، كنت ادور كذا لون بس ما حصلت غير الأحمر ، و عرفت انه محلات بيع الأدوات الرياضية يوفرونهم. هذا الي اخذته :

اشتريت فينيل لاصق من مكتبة دلتني عليها صديقة عزيزة ، متر بمتر سعره تقريبا 1.4 دب 

عندي مكينة الكاميو ، قطعت بها العبارات الي احتاجها و لصقتها على القمع و هذا الشكل :

ان شاء الله بعد رجعتنا من الاجازة استخدمهم .

ملاحظة : مو شرط نقطع بالكاميو ، ممكن نقص الفينيل على شكل نجمة ، كأس .. الخ ، و ممكن انه نطبع الكلمة على ورقة و نلصقها على القمع.